Արարատի մարզի Հնաբերդ գյուղը՝ Դվին մայրաքաղաքի պեղումների շրջակայքը, վերածվել էր տոլմանների տոնահանդեսի: Արդեն 7-րդ տարին հայ խոհարարներն ու հասարակական  կազմակերպությունները Հայաստան այցելած զբոսաշրջիկներին ու հայերիս ներկայացնում են տոլմայի ծագումն ու հնարավորություն տալիս զգալու դրա  հայկական համը: Հաճելի ավանդույթ դարձած «Ուդուլի» համահայկական փառատոն-մրցույթին  այս տարի ներկայացված էր 25 տաղավար՝ տոլմայի ավելի քան 60 տեսակով:

Տոլմա կամ դոլմա պատրաստում են և՛ մսային, և՛ բանջարեղենային հումքով՝ լցոնած կամ փաթաթած, իսկ «Տոլման «տոլի» բառից է, որը հին հայերենով նշանակում է խաղողի վազ, այսինքն միսը փաթաթած խաղողի տերևով:

Փառատոնին մասնակցող տաղավարները ջանք ու եռանդ չէին  խնայել ներկաներին զարմացնելու  տոլմայի պատրաստման իրենց իմպրովիզներով` հաճելի անակնկալ մատուցելով սուշիի սիրահարներին  և միայն բանջարեղեն նախընտրողներին:

Մանրամասները՝ տեսանյութում:

 

Սկզբնաղբյուրը՝ http://vesti.am/archives/114727?lang=am